Almaty oblysynda kólik apatynan bes adam mert boldy

QONAEV. QazAqparat – Almaty–Kókbek–Kóktal tasjolynda jol-kólik apaty bolyp, betpe-bet soqtyǵysý saldarynan bes adam mert boldy, dep habarlaıdy QazAqparat Polisia.kz Telegram-arnasyna silteme jasap.

Polıtsııa aqparaty boıynsha, 1 sáýirde 08:00 shamasynda Audi 100 avtokóligin tizgindegen Uıǵyr aýdanynyń 43 jastaǵy turǵyny Almaty – Kókpek – Kóktal tasjolynyń 196 shaqyrymynda qarsy baǵyttaǵy jolǵa shyǵyp ketip, 1964 jyly týǵan B. esimdi azamat aıdap kele jatqan Audi S4 kóligimen soqtyǵysqan.

«Kólik apaty saldarynan Audi 100 júrgizýshisi men kólik ishindegi 3 jolaýshy, sondaı-aq Audi S4 kóliginiń júrgizýshisi oqıǵa ornynda mert boldy. Túrli jaraqat alǵan tórt jolaýshy Shonjy aýylyndaǵy Aýdandyq ortalyq aýrýhanaǵa jatqyzyldy», - dep habarlady polıtsııa ókilderi.

Bul oqıǵa Eńbekshiqazaq aýdany polıtsııa basqarmasynyń sotqa deıingi tergep-tekserýdiń biryńǵaı tiziliminde QR QK 345-bap, 4-tarmaq boıynsha tirkeldi.

Qajetti saraptamalar taǵaıyndalyp, tergeý jumysy júrip jatyr.