Almaty oblysynda kólik apatynan 8 adam mert boldy
TALDYQORǴAN.QazAqparat - Almaty oblysynda 8 adam kólik apatynan mert boldy. Jantúrshigerlik oqıǵadan tek 36 jastaǵy áıel ǵana aman qalǵan. Zardap shekken áıel Qaraǵandy oblysyndaǵy Prıozersk qalasynyń aýrýhanasyna jetkizilgen, - dep habarlaıdy QazAqparat tilshisi.
Jol-kólik apaty úsh oblystyń, demek, Qaraǵandy, Jambyl, Almaty oblysynyń joldary túıisken jerde bolǵan. Naqtyraq aıtqanda Almaty-Ekaterınbýrg tas jolynyń 385 shaqyrymynda, Jambyl aýdanyna qarasty Úlken aýylynyń mańynda oryn alǵan. Qaıtys bolǵandardyń ishinde Astana qalasynyń turǵyndary da bar.
Opel jáne BMW markaly kólikterdiń soqtyǵysýy saldarynan 8 adamnyń mert bolǵan oqıǵanyn oblystyq ІІD baspasóz qyzmeti rastady.
«20 tamyz kúni jol-kólik oqıǵasynan 8 adam mert bolǵanyn rastaımyz. Atalǵan fakti boıynsha QR QK 345-baby 4-bóligi boıynsha is qozǵalyp, qajetti sot-medıtsınalyq saraptamalardyń barlyǵy taǵaıyndaldy. Іsti oblystyq Anyqtaý basqarmasynyń ózi júrgizedi», - dedi atalǵan vedomstvonyń ókili Kóbeıhan Nurahmet.
8 adamnyń ómiri qıylǵan kólik apatynan soqtyǵysqan mashınanyń biri órtenip ketken.
