Almaty oblysynda kólik apatynan 5 adam mert boldy

QONAEV. QazAqparat - Almaty oblysynda kólik apatynan 5 adam mert boldy. Taǵy úsh kámeletke tolmaǵan bala aýrýhanaǵa tústi, - dep habarlaıdy QazAqparat tilshisi.

«6-shilde kúni saǵat 20:40 shamasynda «Aýdı» kóliginiń júrgizýshisi rólge ıe bola almaı joldyń qarsy baǵytyna shyǵyp ketip, «Reno» kóligine soǵylǵan. Saldarynan 5 adam mert boldy. Taǵy úsh kámeletke tolmaǵan bala túrli dene jaraqatymen Shelek aýrýhanasyna tústi. Atalǵan fakti QR QK 345 baby 4-shi bóligine sáıkes tergelýde. Qajetti saraptamalar taǵaıyndaldy»,- delingen Almaty oblystyq polıtsııa departamenti baspasóz qyzmetiniń habarlamasynda.

Vedomstvonyń aqparatyna sáıkes, jantúrshigerlik kólik apaty Almaty-Kókpekti-Kóktal tasjolynyń 181-shi shaqyrymynda bolǵan.