Almaty oblysynda kólik apatynan 4 adam mert boldy

QONAEV. QazAqparat - Almaty oblysynda kólik apatynan 4 adam oqıǵa ornynda mert bolyp, taǵy eki adam aýrýhanaǵa tústi, dep habarlaıdy QazAqparat tilshisi.

Almaty oblystyq polıtsııa departamenti baspasóz qyzmetiniń málimetinshe, Hyundai Santamo kóligiń 44 jastaǵy júrgizýshisi rýlge ıe bola almaǵan.

Ol oqıǵa ornynda jan tapsyrdy.

Bul jaǵdaı 20 jeltoqsan kúni boldy. Kegen aýdanynda Hyundai Santamo jáne Mitsubishi Galant kólikteri apatqa ushyrady.

«Hyundai Santamo júrgizýshisi Kegen-Kókpek-Tıýp jolynyń 60-shaqyrymynda rólge ıe bola almaı, bir baǵytta kele jatqan Mitsubishi Galant kóligine soǵylǵan. Kólik apaty saldarynan Hyundai Santamo júrgizýshisi men úsh jolaýshysy oqıǵa ornynda kóz jumdy. Taǵy eki jolaýshy túrli dene jaraqatymen aýrýhanaǵa tústi» delingen vedomstvonyń habarlamasynda.

Qazir atalǵan iske qatysty QR QK 345 baby 3 bóligi boıynsha sotqa deıingi is qozǵalyp, tergeý bastaldy.