Almaty oblysynda kólik apatynan 27 jastaǵy jolaýshy mert boldy
TALDYQORǴAN. QazAqparat - Almaty oblysynda kólik apatynan 27 jastaǵy jolaýshy oqıǵa ornynda mert boldy, - dep habarlaıdy QazAqparat tilshisi.
Almaty oblystyq polıtsııa departamentiniń baspasóz qyzmeti oqıǵany rastady.
«Jol kólik apaty 23 mamyr kúni túngi saǵat 00:10 shamasynda bolǵan. Іle aýdanyndaǵy Chapaı aýylynyń 18 jastaǵy turǵyny «Toıota-Haılıýks» kóligin júrgizip kele jatyp, qarsy baǵytqa shyǵyp ketken. Sonyń saldarynan «Vodnık – Kaztsık – Komsomol» jolynda «Deý Neksııa»-ǵa soǵylǵan. Bul kólikti 22 jastaǵy azamat tizgindegen. Oqıǵa ornynda «Deý Neksııanyń» 27 jastaǵy jolaýshysy mert boldy», - delingen Almaty oblystyq Polıtsııa departamenti baspasóz qyzmeti taratqan habarlamada.
Anyqtalǵandaı, 18 jastaǵy «Toıotanyń» júrgizýshisi ishimdik ishken. Qazir atalǵan fakti boıynsha QR QK 345-1 3 bóligine sáıkes sotaldy tergeý júrip jatyr. 18 jastaǵy azamat ýaqytsha ustaý ızolıatoryna qamaldy.
