Almaty oblysynda kólik apatynan 11 jastaǵy bala mert boldy

QONAEV.QazAqparat - Almaty oblysynda kólik apatynan 11 jastaǵy bala mert boldy. Oqıǵa Almaty-Jandosov-Besmoınaq jolynda bolǵan, - dep habarlaıdy QazAqparat tilshisi.

«20 shilde kúni saǵat 12:05 te Qarasaı aýdanynyń polıtsııasyna Almaty-Jandosov-Besmoınaq jolynda kólik apaty bolǵandyǵy jóninde habarlama tústi. Oqıǵa ornynan anyqtalǵandaı, 39 jastaǵy «Toıota Kamrı» kóliginiń júrgizýshisi joldyń qarsy baǵytyna shyǵyp ketip, «VAZ» kóligine soǵylǵan. Oqıǵa ornynda kámeletke tolmaǵan bala mert boldy. Eki kóliktiń de júrgizýshileri túrli dene jaraqatymen aýrýhanaǵa jetkizildi»,- delingen Almaty oblystyq polıtsııa departamenti baspasóz qyzmetiniń habarlamasynda.

Vedomstvonyń aqparatyna sáıkes, qazir atalǵan fakti QR QK 345 babynyń 3 tarmaǵy boıynsha tergelip jatyr. Qajetti saraptamalar taǵaıyndalǵan.

Vıdeodan alynǵan kadr/kaskelenkz