Almaty oblysynda kólik apatyna ushyrap, oqıǵa ornynan qashyp ketken oqýshy anyqtaldy
TALDYQORǴAN.QazAqparat – Almaty oblysynyń polıtseıleri kólik apatyna ushyrap, oqıǵa ornynan qashyp ketken oqýshy anyqtady, dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, oqıǵa byltyr qarashanyń 7-si kúni tirkelgen. Uıǵyr aýdanyndaǵy Sharyn aýylynda belgisiz avtokólik at arbasyna soǵylǵan. Saldarynan 46 jastaǵy jergilikti turǵyn zardap shegip, túrli dene jaraqatymen aýyr halde aýrýhanaǵa jetkizilgen. Kólik ıesi zardap shegýshige kómektespeı, oqıǵa ornynan qashyp ketken. Jergilikti polıtseıler atqarǵan jumystyń nátıjesinde kólikti júrgizgen kúdikti retinde 16 jastaǵy jasóspirim anyqtalyp, ustaldy.
Tártip saqshylary anyqtaǵandaı, kámilettik jasqa tolmaǵan jasóspirim ata-anasynyń ruqsatynsyz ákesiniń «Mazda-626» kóligin júrgizip ketken.
«Іs tergeý saraptamalarynyń nátıjesin kútýge oraı jáne dáleldemelerdiń jınalýyna baılanysty sozyldy. Qazirgi ýaqytta QR QK 345-baby 2-tarmaǵy jáne QR QK 347-baptary boıynsha qylmystyq is qozǵalyp. sotqa jiberildi», - dedi Uıǵyr aýdandyq polıtsııa bóliminiń ókili Serik Aınabekov.
