Almaty oblysynda kólik apatyn jasaǵan polıtsııa qyzmetkeri qamaýǵa alyndy
Almaty oblystyq Polıtsııa departamenti baspasóz qyzmetiniń málimetinshe, oqıǵa 23-qańtar kúni Almaty-Talǵar jolynyń 12-shi shaqyrymynda bolǵan.
«Toıota Prado» jáne «Honda Strım» kólikteriniń apaty boıynsha QR QK 345 babynyń 3 bóligi jáne qylmystyq kodekstiń 347 babyna sáıkes is qozǵalyp, tergeý júrip jatyr.
Oqıǵa saldarynan «Honda Strım» kóliginiń júrgizýshisi jáne jolaýshysy túrli dene jaraqatymen Almaty qalasyndaǵy oblystyq aýrýhanaǵa túsken. 20 jastaǵy jolaýshysy aýrýhanada kóz jumǵan.
«Toıota Prado» kóliginiń júrgizýshisi qarsy baǵytqa shyǵyp, kólikke soǵylyp, oqıǵa ornynan qashyp ketken. Kóp uzamaı polıtsııa ony qolǵa túsirdi. Tekseris kezinde anyqtalǵandaı, jol talǵamaıtyn kólikti ishki ister organynda qyzmet isteıtin adam júrgizgen.
Oblystyq polıtsııa departamenti qyzmettik tekseris júrgizip, ol adam 24-qańtar kúni jumystan qýyldy. Qazir barlyq saraptama taǵaıyndalyp, tergeý júrip jatyr»,- delingen Almaty oblystyq Polıtsııa departamenti baspasóz qyzmetiniń habarlamasynda.