Almaty oblysynda kóliginiń áınegin qasaqana syndyrǵan prankerler ustaldy
TALDYQORǴAN. QazAqparat - Almaty oblysynda prank jasaǵandar jaýapkershilikke tartyldy, dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, áleýmettik jelige monıtorıng júrgizý barysynda avtokólikke zaqym keltirgen beınejazba anyqtaldy. Oqıǵa Esik qalasynda 2021 jyldyń 4 qańtarda bolǵan. Atalǵan derek boıynsha polıtsııaǵa eshkim aryz túsirmegen. Eńbekshiqazaq aýdanynyń tártip saqshylary usaq buzaqylyq jasaǵany Almaly aýylynyń 21 jastaǵy turǵyny men «Volkswagen Passat» ıesi, Esik qalasynyń 26 jastaǵy turǵynyn ustady.
Oqıǵaǵa qatysýshylar aldyn-ala kelisip, áleýmettik jelidegi jurttyń nazaryn aýdartý maqsatynda osyndaı áreketke barǵan. Qoǵamdyq tártipti buzýshylardyń aıtýynsha, olar tek paraqshaǵa jazylýshy sanyn arttyryp, sosyn kóliktiń áınegin jóndegileri kelgen.
Quqyq buzýshylarǵa QR Ákimshilik kodekstiń 434-babynyń 1-bóligi boıynsha ákimshilik hattama toltyrylyp, sheshim qabyldaý úshin materıal sotqa joldandy.
