Almaty oblysynda kóligimen adam qaǵyp, qashyp ketken júrgizýshi ustaldy

TALDYQORǴAN. QazAqparat - Almaty oblysynda kóligimen adam qaǵyp, qashyp ketken júrgizýshi ustaldy. Kúdiktiniń ústinen Qylmystyq Kodekstiń eki baby boıynsha is qozǵaldy, - dep habarlaıdy QazAqparat tilshisi.

Almaty oblystyq Polıtsııa departamenti baspasóz qyzmetiniń málimetinshe, 20 aqpan kúni Taldybulaq-Aqbulaq jolynda 33 jastaǵy adamdy kólik qaǵyp ketken. Jábirlenýshi aýrýhanaǵa jetkizilgenimen birneshe kúnnen soń jansaqtaý bóliminde kóz jumǵan. Polıtseıler oqıǵa ornynda kóliktiń qaldyqtaryn taýyp, 28 jastaǵy kúdiktini anyqtap, ustady.

«Qazir QR QK 345 jáne 347-shi baptary boıynsha is qozǵalyp, tergeý júrip jatyr. Kúdikti adamdy qaǵyp, oqıǵa ornynan qashyp ketkenin moıyndady. Kólik aıyp turaǵyna qoıyldy. Qajetti sot-medıtsınalyq saraptamalar taǵaıyndaldy», - delingen atalǵan vedomstvo taratqan habarlamada.

Aıta keteıik, kólik qaǵyp mert bolǵan 33 jastaǵy er adam Almaty qalasynyń turǵyny.