Almaty oblysynda qoldan jasalǵan motor maıy saqtalǵan qoıma áshkerelendi
ALMATY. QazAqparat - Almaty mańynda jalǵan «Mobil» motor maıy saqtalǵan astyrtyn qoıma áshkerelendi, dep habarlaıdy QazAqparat tilshisi oblystyq Memlekettik kirister departamentiniń baspasóz qyzmetine silteme jasap.
Ekonomıkalyq tekserý qyzmetiniń mamandary Almaty oblysy Іle aýdanynda avtobólshekter dúkenine motor maılaryn satyp jatqan QR azamatyn ustaǵan.
Er adamnyń kóliginde jalpy quny 500 000 teńge bolatyn 1 jáne 4 lıtrlik 154 kanıstr tabylǵan.
Ári qaraı tergeý barysynda qoldan jasalǵan motor maılary saqtalatyn qoıma áshkerelendi. Munda 269 kanıstr tehnıkalyq maı bar eken.
Qazirgi tańda atalǵan derek boıynsha QR QK 198-babynyń 2-bólimine sáıkes qylmystyq is qozǵalyp, sotqa deıingi tergeý isi tizilimine tirkeldi.
