Almaty oblysynda Kókbel aýylynyń turǵyndary tolyq vaktsına saldyrdy
Raıymbek aýdanynda 21 000 adam 65-100 jas aralyǵynda, onyń 16 184-i koronavırýs ınfektsııasyna qarsy ekpeni tolyqtaı aldy. Búgingi kúnde, turǵyndardyń 77 paıyzy vaktsınatsııalanǵan. Vaktsınatsııalaýmen muǵalimder - 90, memlekettik qyzmetkerler - 94, medıtsına qyzmetkerleri - 98 paıyz qamtyldy.
«Halyqty vaktsınalaý úshin 11 ekpe kabıneti jáne 1 kóshpeli egpe brıgadasy jumys istep jatyr. Ekpeni 100 paıyz Kókbel, Tegistik aýyldarynyń turǵyndary aldy. Qaınar, Qyzylshekara aýyldary 94 paıyzǵa jetti. Qazirgi kezde ekpemen úıde otyrǵan, zeınetkerler, dıspanserlik eseptegi adamdar qamtylýda», - delingen Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamada.
Sonymen qatar, Raıymbek aýdanynyń Kóksaı aýylynda 736 adam turady. 49 adam densaýlyq jaǵdaıyna baılanysty ekpe saldyrýdan bosatylǵan. 250-i kámelet jasqa tolmaǵan bala. 437 aýyl turǵyny COVID-19-ǵa qarsy tolyqtaı vaktsına aldy. Aýyl muǵalimderi de ekpeni tolyqtaı saldyrdy.
Kóksaı aýylyndaǵy orta mektepte 110 oqýshy bilim alyp, 37 muǵalim qyzmet etedi. Jalpy aıtqanda, oqý orny jetkilikti kólemde jeke qorǵanysh quralymen qamtamasyz etilgen. Kabınetterde kúndelikti dezınfektsııa júrgizilip, sabaqtarda balalar áleýmettik qashyqty saqtaıdy, betperde kıip otyrady.
Aıta keteıik, búgingi kúni oblysta vaktsınany birinshi bóligin 727 982 adam saldyrdy, al ekinshi komponentti 613 624 adam aldy.
