Almaty oblysynda kisi óltirdi degen kúdikpen úsh jyl izdeýde júrgen adam ustaldy
TALDYQORǴAN.QazAqparat – Úsh jyl boıy halyqaralyq izdeýde júrgen kúdikti Almaty oblysynda ustaldy. Ol 29 jastaǵy áıeldi óltirdi dep aıyptalýda, - dep habarlaıdy QazAqparat tilshisi.
Oqıǵa Іle aýdanynda bolǵan. 2016 jyldyń qazan aıynyń sońynda jer úılerdiń birinen áıel adamnyń múrdesi tabylǵan. Saraptamaǵa sáıkes, qylmys pyshaqpen jasalǵan. Tergeý barysynda kúdikti jergilikti turǵynnyń ekeni anyqtalǵan. Biraq tártip saqshylary ony ustaı almaǵan. Soǵan sáıkes, 2017 jyldyń aqpan aıynda kúdiktige halyqaralyq izdeý jarııalaǵan.
«Jedel-izdestirý barysynda oblystyq krımınaldy polıtsııa basqarmasynyń qyzmetkerleri kúdiktiniń turyp jatqan jerin anyqtady. Ol Jambyl aýdanyndaǵy aýyldardyń birinen ustaldy. Qazir kúdikti Іle aýdandyq polıtsııa bólimshesine jetkizilip, qamaýǵa alyndy»,- dedi Almaty oblystyq krımınaldy polıtsııa basqarmasy basshysynyń orynbasary Dáýren Sákenov.
Tergeýdi Іle aýdanynyń tártip saqshylary júrgizýde. Atalǵan fakti Almaty oblystyq Polıtsııa departamentiniń qatań baqylaýyna alyndy.
