Almaty oblysynda kisi óltirdi degen kúdikpen eki shetel azamaty ustaldy
Almaty oblystyq Polıtsııa departamenti baspasóz qyzmetiniń málimetinshe, 25 qazan kúni Іle aýdandyq polıtsııasyna habarlama túsken. Ol jerde Qosózen aýylyndaǵy saıajaıdyń birindegi úıden er azamattyń azaptap óltirilgen múrdesi tabylǵany jóninde aıtylǵan.
«Tergeý kezinde qaıtys bolǵan adamnyń Japek batyr aýylynyń 45 jastaǵy turǵyny ekeni anyqtaldy. 4 kúnnen keıin jedel izdestirý kezinde Ózbekstan men Tájikstannan tabys tabý úshin kelgen 38 jastaǵy eki turǵyn ustaldy. Olar keltirilgen dálelderden keıin óz kinálaryn moıyndady»,- delingen vedomstvonyń habarlamasynda.
Qazir eki kúdikti adam kisi óltirý baby boıynsha tergelip jatyr. Kórshi eldiń azamattary ýaqytsha ustaý ızolıatoryna qamaldy. Ózge aqparattar tergeý qupııalyǵyna baılanysty jarııa etilmeıdi.