Almaty oblysynda «Keńestik mılıtsııaǵa 100 jyl» medaldary tabystaldy
TALDYQORǴAN. QazAqparat - Almaty oblysynda Qarttar kúni qarsańynda ishki ister organdarynyń ardagerleri «Keńestik mılıtsııaǵa 100 jyl» medalimen marapattaldy, dep habarlaıdy QazAqparat tilshisi.
Madeldarmen barlyǵy 18 ardager-polıtseı marapattaldy. Búginde Bolat Qujaqovtyń basqaryp otyrǵan oblystyq polıtsııanyń Ardagerler keńesiniń quramynda 4 myń adam bar.
Merekege oraı Taldyqorǵannyń ózinde jáne oblys ortalyǵyna jaqyn jerde turatyn zeınetkerlerge Іshki ister departamentinde qurmet kórsetilip, aq dastarhan jaıyldy.
«Birinshi kezekte aǵa urpaqqa nazar aýdarý kerek. Ardagerler keńesi bizge barlyq ardagerlerimizben tyǵyz baılanys ornatýǵa kómektesedi, olardyń árqaısysy óziniń týǵan mekemesiniń qoldaýyn sezedi. Ardagerler keńesi músheleriniń qyzmeti kóptegen jas qyzmetkerlerge úlgi bola alady», - dedi Almaty oblysy Іshki ister departamenti bastyǵynyń orynbasary, polıtsııa polkovnıgi Beıbit Kelgenbaev
Sondaı-aq polıtsııa qyzmetkerleri Ekinshi dúnıejúzilik soǵys ardagerleriniń úılerine baryp, qurmet kórsetti.
