Almaty oblysynda Kegen, Talǵar aýdandarynyń 5 turǵynynan koronavırýs anyqtaldy
TALDYQORǴAN. QazAqparat - Almaty oblysynda koronavırýs ınfektsııasynyń taǵy 5 jaǵdaıy tirkeldi. Іndetti juqtyrǵan 3 adam Kegen, 2-eýi – Talǵar aýdandarynyń turǵyndary - dep habarlaıdy QazAqparat tilshisi.
Almaty oblysy ákiminiń baspasóz qyzmetiniń málimetinshe, 1960, 1965, 1971, 1977, 2008 jyly týǵan 5 patsıenttiń 4-eýi buryn aýyrǵandarmen baılanysta bolǵan. 1-inen indet profılaktıkalyq tekserilý barysynda anyqtaldy.
PTsR-taldaýy kezinde patsıentterdiń COVID-19 dıagnozy rastaldy. Naýqastar syrqattary rastalǵanǵa deıin oqshaýlandyrylǵan bolatyn. Qazirgi kezde Eńbekshiqazaq aýdany Shelek aýylyndaǵy aýdandyq aýrýhananyń ınfektsııalyq bólimine aýystyryldy.
Olarmen 4 adamnyń qarym-qatynasta bolǵany anyqtalyp, KVI-ge zerthanalyq tekserý júrgizý úshin oqshaýlandyryldy. Epıdemıologııalyq zertteýler jalǵasady.
Jalpy 16 mamyrdaǵy jaǵdaı boıynsha Almaty oblysynda koronavırýs juqtyrǵandar sany 206 boldy. Onyń 126 indetten jazyldy.
