Almaty oblysynda Qazaqstandaǵy eń iri jylyjaı iske qosyldy
ALMATY. 23 tamyz. QazAqparat - Almaty oblysy Іle aýdanynda 5,1 gektar alqapty alyp jatqan Qazaqstandaǵy eń iri jylyjaı óz jumysyn bastady.
Onda jylyna 3 821 tonna qyzanaq, qııar jáne salat jasaýda qoldanylatyn kókónis ónimderi óndirilmek.
«Bul salat jasaýda qoldanylatyn kókónis daqyldaryn ósiretin tehnologııasy bar respýblıkadaǵy tuńǵysh jylyjaı bolyp otyr. Onda askók, aqjelken, baldyrkók sııaqty dástúrli kókónisterden bólek, alys shet elderden ımporttalatyn aızberg, rýkola sekildi jańa ekzotıkalyq qymbat kókónister de ósiriledi. Kókónis naryǵy tutyný jaǵdaıyna táýeldi bolǵandyqtan onyń kólemine qatysty naqty aqparat joq. Resmı statıstıka boıynsha biz Almaty qalasynyń kókónis naryǵynda atalmysh ónimderge degen suranystyń 8-10 paıyzyn ǵana qamtamasyz ete alamyz», - deıdi «Green Land Alatau»JShS-niń dırektory Almas Daýtov. Onyń aıtýynsha, Gollandııa tehnologııasy boıynsha jasalǵan bul jylyjaıdyń qurylysy «QazAgroQarjy» AQ-nyń qarjylandyrýy arqyly ǵana júzege asyp otyr. Onda jylyna 1 myń tonnadan astam qyzanaq, 2 myń tonna qııar men 1 myń tonnaǵa jýyq salat ósirýge arnalǵan kókónister óndirilmek. Bolashaqta suranysqa qaraı jylyjaı aýmaǵyn 15-20 gektarǵa deıin ulǵaıtý josparlanyp otyr.
