Almaty oblysynda qaıyq aýdarylyp, 3 adam mert boldy
TALDYQORǴAN. QazAqparat - Almaty oblysynda úrlemeli qaıyq aýdarylyp, úsh adam kóz jumdy. Qaza bolǵandardyń biri 8 jastaǵy qyz bala, dep habarlaıdy QazAqparat tilshisi.
Oblystyq TJD baspasóz qyzmetiniń ókili Azamat Jurtbaevtyń aıtýynsha, qaıǵyly jaǵdaı keshe keshki jetiler shamasynda «Saz-Talǵar» sý qoımasynda bolǵan.
«Qaıyqta tórt adam bolǵan. Onyń bireýi ákeli bala. Ol 8 jastaǵy qyz balasymen birge qaıyqqa mingen. Ókinishke oraı, qyzymen ákesi jáne taǵy bir azamat kóz jumdy. Qaza bolǵandar 1985,1987 jylǵy azamattar jáne 2010 jylǵy bala. Qaıtys bolǵan er adamdar ishimdik ishken eken. Tiri qalǵan adam da qatty mas kúıinde bolǵan. Aıta ketý kerek, Talǵar aýdanyndaǵy «Saz-Talǵar» sý qoımasyna sýǵa túsýge qatań tyıym salynǵan», - dedi Azamat Jurtbaev.
Esterińizge sala keteıik, ótken táýlikte Qapshaǵaı sý qoımasynda 21 jastaǵy qyz balanyń sýǵa batqanyn habarlaǵan bolatynbyz. Jalpy ótken táýlikte Almaty oblysy boıynsha 4 adam sýǵa batyp kóz jumdy. Al 1 maýsym, ıaǵnı shomylý maýsymy bastalǵaly 7 adam sýǵa ketken.
Illıýstratsııalyq foto
