Almaty oblysynda qaı mekemelerde jemqorlyq jıi kezdesedi

TALDYQORǴAN. QazAqparat – Almaty oblysyndaǵy jemqorlyq jaılaǵan salalar belgili boldy, dep habarlaıdy QazAqparat.

«Zertteý nátıjesine sensek, Almaty oblystyq jer qatynastary basqarmasynda joǵary jemqorlyq táýekeli baıqalady. Onyń sebebi – jer telimin alý nemese rásimdeý oqıǵalary. Munda beriletin paranyń ortasha somasy – 67 myń teńge», - dedi jemqorlyqqa qarsy kúres jónindegi vedomstvoaralyq komıssııanyń otyrysynda Almaty oblysy boıynsha sybaılas jemqorlyqqa qarsy is-qımyl departamentiniń basshysy Danııar Turǵanbaev.

Sonymen birge, oblystaǵy memlekettik balabaqshalarda, jol qozǵalysy erejeleriniń saqtalýyn qadaǵalaıtyn polıtsııa organdarynda, joǵary jáne arnaıy orta bilim beretin mekemelerde jáne basqa da mańyzdy salalarda jemqorlyq táýekeli óte joǵary.