Almaty oblysynda qaterli isikke shaldyqqandar sany azaımaı tur
TALDYQORǴAN. QazAqparat - Almaty oblysynda qaterli isikke shaldyqqandar sany azaımaı tur. Kerisinshe obyr dertine shaldyqqandar sany eselenýde. Máselen 2015 jyly óńirde qaterli isikpen tirkeýge alynǵan naýqas sany 12500 adam bolsa, bıylǵy jyldyń 9 aıynda 12 600-den asty, dep habarlaıdy «QazAqparat» HAA tilshisi.
Dárigerler bul jaǵdaıdy halyqtyń óz densaýlyǵyna nemquraıly qaraýynda dep túsindirýde. Oblystyq onkodıspanserde tek názik jandylar arasynda bıyl 20-dan astam sút beziniń isigi, 3 jatyr moınynyń isigi skrınıngtik tekserý kezinde anyqtaldy. Ýaqytyly shara qoldanylyp, aýrýdyń beti qaıtty.
Oblystyq onkologııalyq dıspanserdiń meńgerýshisi Farıza Bıgýsınovanyń aıtýynsha naýqas der kezinde kelip tekserilse, birinshi jáne ekinshi dárejedegi isikti tolyq emdep shyǵýǵa bolady. Al eger asqynyp ketse, ıaǵnı 3-shi, 4-shi dárejesinde biz kómektese almaýymyz múmkin deıdi. Sondyqtan dárigerler barlyq azamattarǵa skrınıngten ótip, óziniń densaýlyǵyna jaýapkershilikpen qaraýǵa shaqyrady.
