Almaty oblysynda kásipkerdi uryp-soǵyp, tonaǵandar ustaldy
TALDYQORǴAN. QazAqparat - Almaty oblysynda kásipkerdi uryp-soǵyp, tonaǵandar ustaldy. Qazir atalǵan faktige oraı eki azamat kúdikti retinde tergelip jatyr. 19 jáne 20 jastaǵy jigitter qamaýǵa alyndy, dep habarlaıdy QazAqparat tilshisi.
Jábirlenýshiniń sózinshe, betine betperde kıgen eki beıtanys azamat onyń úıine basa kóktep kirip, birden soqqyǵa jyqqan. Artynsha zergelik buıymdaryn, qol saǵatyn jáne aqshasyn urlap áketken. Zardap shekken 65 jastaǵy qarııa ózine keltirilgen materıaldyq shyǵyn kólemin 1 mıllıon teńgege baǵalap otyr. Esik qalasy turǵynynyń aryzynan keıin, kúdiktiler kóp uzamaı qolǵa tústi.
Oblystyq ІІD baspasóz qyzmetiniń málimetinshe, kúdiktiniń bireýi Esik qalasynyń, endi biri Uıǵyr aýdanynyń turǵyndary. Olardyń buǵan deıin qylmystyq jaýapkershilikke tartylmaǵany jáne jumyssyz júrgenderi anyqtaldy. Ustalǵan azamattardan jábirlenýshige tıesili «Casio» qol saǵaty jáne urlanǵan aqshalardyń bir bóligi tabyldy. Qazir atalǵan fakti boıynsha QR QK 192 baby 3 tarmaǵyna sáıkes qylmystyq is qozǵalyp, tergeý jumystary jalǵasýda.
