Almaty oblysynda kásipker 8 balanyń anasyna baspana syılady
TALDYQORǴAN. QazAqparat - Almaty oblysynyń Kóksý aýdanynda metsenat-kásipker kóp jyldan beri baspanasyz, jaldamaly páterde turyp kelgen Soltangazıevtar otbasyna baspana syılady, dep habarlaıdy QazAqparat tilshisi.
8 balany tárbıelep otyrǵan Gúlzıra men Nurahmetti qýantqan kóksýlyq jomart kásipker esimin qupııa qaldyrýdy jón sanady. Ol 10 jyldan beri shıetteı bala-shaǵamen baspana taýqymetin tartyp kelgen otbasyǵa aýdan ortalyǵy Balpyq bı aýylynyń Qazbek bı kóshesinen turmysqa jaıly 5 bólmeli úıdiń kilti tabystady.
Gúlzıra men Nurahmet Soltanǵazıevter 5 qyz, 3 ul tárbıeleýde. Kenje uldary týa bitken sal aýrýyna shaldyqqan. Gúlzıra Qaztaıqyzy bala kútimimen úıde otyr. Joldasy Nurahmet jaldamaly qurylysshy.
«Búgin mine qoly ashyq jandardyń arqasynda baspanaly boldyq. Bul jańalyqty habarlaǵanda senbedim, tús dep oıladym. Bizdi osynda ákep, qolymyzǵa kiltti tabystaǵanda qýanyshymda shek bolmady. Bárinen buryn balalarym baqytty. Endi olar armandaǵandaı óz bólmesine qol jetkizedi. Barlyǵyna kóp rahmet. Meniń otbasyma qolushyn sozyp, kómektesken jandarǵa alǵysymdy bildiremin», - deıdi Gúlzıra Qaztaıqyzy.
Aıta keteıik, bul aýdan kásipkerleriniń bastamasymen berilip jatqan tórtinshi úı.
2018 jyly Muqanshy aýylynda turmysy tómen eki otbasyǵa jáne jýyrda Qyzyltoǵan aýylynda kópbalaly otbasyǵa páter kilti tabystalǵan bolatyn.
