Almaty oblysynda kásipker 2 jyl boıy memlekettik aktini ala almaı júrgen

QONAEV.QazAqparat - Almaty oblysynyń Sybaılas jemqorlyqqa qarsy qyzmetine 2 jyl boıy jer ýchaskesine memlekettik aktini ala almaı júrgen kásipker júgindi, - dep habarlaıdy QazAqparat tilshisi.

Qujatty ala almaýdyń sebebi Keńes zamanynda berilgen qujattardy (QazKSR Halyq depýtattary Keńesi atqarý komıtetiniń sheshimderi men hattamasy jáne QazKSR jer ýchaskesine memlekettik aktiniń bolmaýy) talap etý boldy.

Osyǵan uqsas sebeppen «Azamattarǵa arnalǵan úkimet» KEAQ fılıalynyń tirkeý jáne jer kadastry jónindegi bólimi uzaq ýaqyt boıy jer ýchaskesine memlekettik aktini berýden bas tartty.
Almaty oblysynyń Sybaılas jemqorlyqqa qarsy qyzmeti Jer kadastry fılıalynda ýákiletti organdarmen kóshpeli keńes ótkizdi.

«Nátıjesinde, talap etilgen qujattar memlekettik aktini daıyndaý úshin negiz bolyp tabylmaıtyny belgili boldy. Kásipkerge derekter bazasynyń muraǵattyq jazbasy negizinde jer ýchaskesine memlekettik akt daıyndaldy. Kásipkerdiń quqyqtary qorǵalǵan» ,- delingen Sybaılas jemqorlyqqa qarsy is-qımyl agenttiginiń Almaty oblysy boıynsha departamenti baspasóz qyzmetiniń habarlamasynda.