Almaty oblysynda qashyqtan oqyp jatqan 2 753 oqýshy mektepke oraldy

TALDYQORǴAN.QazAqparat - Almaty oblysynda qashyqtan oqyp jatqan 2753 oqýshy qaıta mektepke oraldy, dep habarlaıdy QazAqparat tilshisi.

Almaty oblystyq sanıtarııalyq-epıdemıologııalyq baqylaý Departamentiniń baspasóz qyzmeti taratqan habarlamaǵa sáıkes, jańa oqý jylynyń 1 qyrkúıegi men 27 qyrkúıek aralyǵynda oblys boıynsha oqýshylar arasynda koronavırýspen syrqattanýdyń 960 jaǵdaıy tirkeldi.

Onyń ishinde 215 jaǵdaı jazǵy demalys kezinde, 720 jaǵdaı oflaın oqytý kezinde jáne 25 jaǵdaı onlaın oqytý kezinde anyqtalǵan.

«Oblystyń 244 mektebiniń 578 synybyna karantın engizý týraly 567 qaýly shyǵaryldy jáne 9379 oqýshy qashyqtan oqytý nysanyna aýystyryldy. Búgingi kúni 578 synyptyń 201-i karantınnen shyǵarylyp, 2753 oqýshy qaıta mektepke oraldy»,- delingen vedomstvonyń habarlamasynda.