Almaty oblysynda qaryzyn qaıtarmaǵan 105 boryshker qamaldy
TALDYQORǴAN. QazAqparat - Almaty oblysynda jyl basynan beri qaryzyn qaıtarmaǵan 105 boryshker qamaýǵa alyndy. Olardyń arasynda ákimshilik aıyppulyn ótemegen, alıment tólemegen azamattar basym, dep habarlaıdy QazAqparat tilshisi.
Almaty oblysynda 400-ge jýyq azamat memleketke aqsha qaryz. Olardyń tek 178-i 4 mlrd, 600 mln teńge bereshek. Máseleni sheshý úshin quzyrly organdar birlese otyryp arnaıy reıdter uıymdastyrýǵa májbúr. Polıtsııa qyzmetkeri jyljymaly qondyrǵy arqyly boryshker kóliginiń memlekettik nómirin anyqtaıdy. Jol polıtseıi kólikti toqtatady. Mamandar málimetter bazasynan qaryzyn taýyp berse, sot oryndaýshylar óndirýge kirisedi. Bereshegi kóp bolsa kóligin aıyp turaǵyna qoıyp, ózin qamaýǵa alýǵa da quqyly.
"Mundaı reıdter tórt jaqty memorandýmǵa qol qoıýdyń arqasynda júzege asyp jatyr", - deıdi Almaty oblystyq sot oryndaýshylar palatasy tóraǵasynyń orynbasary Rýslan Isaev. Onyń aıtýynsha, reıdterdiń arqasynda 2 mlrd 150 mln teńge memlekettik bıýdjetke qaıtarylǵan.
