Almaty oblysynda qarýly qaraqshylar ustaldy
TALDYQORǴAN. QazAqparat - Almaty oblysynyń Іle aýdanynda tártip saqshylary bir top qaraqshyny qolǵa túsirdi, dep habarlaıdy QazAqparat tilshisi.
Іle aýdandyq ІІB qyzmetkerleri 3 adamnan turatyn qylmystyq topty qylmys ústinde ustady. Olar túnniń bir ýaǵynda Chapaev aýylyndaǵy kásipkerdiń úıine basa kóktep kirmek bolady. Alaıda otbasy der kezinde 102 nomerine habarlasyp úlgergen. Oqıǵa ornyna dereý arnaıy top jiberiledi. Biraq aýyldyń ýchaskelik polıtsııa qyzmetkeri, kapıtan Marat Jumadilov oqıǵa ornyna birinshi jetedi. Tártip saqshysyn kórse salǵan kúdiktiler qashýǵa umtylady. Ýchaskelik polıtseı birin qolǵa túsirip, ile-shala kelgen áriptesterine tapsyrdy. Birneshe saǵattan keıin qalǵan ekeýi anyqtalyp, tutqyndalady. Olardan PM tapanshasyna uqsas pnevmatıkalyq qarý jáne oıynshyq tapansha tárkilendi. Kúdiktilerdiń biri kámelet jasqa tolmaǵan. Tergeý barysynda bul toptyń qazan aıynda jasalǵan taǵy bir qylmysqa qatysy bar ekendigi anyqtaldy. Ol kezde olar Talǵar aýdany Tuzdysaı aýylynda 55 jastaǵy áıeldi uryp-soǵyp, jalpy somasy 8 mln teńge bolatyn aqsha men zergerlik buıymdaryn tartyp alǵan.
Qazirgi tańda kúdiktilerdiń ekeýi qamaýǵa alyndy. Al úshinshi kúdiktiniń jasy 18-ge tolmaǵany eskerilip, eshqaıda shyqpaý týraly qolhat alynyp úıine jiberildi. Qazir qaraqshylyq deregi boıynsha tergeý amaldary jalǵasyp jatyr. Sondaı-aq kúdiktilerdiń Іle aýdanynda birneshe urlyqqa qatysy bar ekendigin de polıtseıler dáleldep otyr.
