Almaty oblysynda qarý ótkizgenderge 6 mln teńgeniń ótemaqysy tólendi
TALDYQORǴAN.QazAqparat - Almaty oblysynyń aýmaǵynda uıymdastyrylǵan aktsııa aıasynda turǵyndar atys qarýlaryn tártip saqshylaryna tapsyrdy. Óz máresine jetken shara barysynda turǵyndar ártúrli 147 qarýdy óz erikterimen ótkizgen, dep habarlaıdy QazAqparat tilshisi.
«Sáýir aıynan bastap turǵyndardan qarýlardy qabyldaý-tapsyrý jáne satyp alýdy baqylaıtyn 20 komıssııa jumys atqardy. Qarýdy óz erkimen tapsyrǵandar úshin jalpy quny 6 mıllıon teńgeniń ótemaqysy tólendi. Ótkizilgen qarýdyń kóbi - tegis uńǵymaly ańshy myltyǵy. Degenmen, arasynda sırek kezdesetin kóne túrleri de bar. Bul aktsııa jaıly aqparat óńirlik jáne aýdandyq BAQ-ta únemi jarııalandy. Qazirgi tańda polıtseıler osy sharany budan ári jalǵastyrý úshin qosymsha 5 mıllıon teńge qarjy bólýge suranys joldady»,- dep atap ótti Almaty oblystyq ІІD baspasóz qyzmetinen.
Shara barysynda Taldyqorǵan men Sarqan qalalarynyń turǵyndary belsendilik tanytyp, erikti túrde 50 jýyq myltyq tapsyrǵan. Máselen, oblys ortalyǵynyń bir turǵyny ótkizgen 4 qarýǵa 200 myń teńgeden astam qarjy tólengen.
Sonymen qatar, 79 adam qarýdy zańsyz saqtaǵany úshin ákimshilik jaýapkershilikke tartylǵan. Olarǵa 4 mıllıon teńgege jýyq aıyppul salyndy.
