Almaty oblysynda qarý arsenaly bar UQT músheleriniń biri ustaldy
TALDYQORǴAN. 2 sáýir. QazAqparat - Polıtseılerdiń Jarkent qalasynda ótkizgen jedel-izdestirý sharalarynyń barysynda dámhanalardyń birinen jergilikti uıymdasqan qylmystyq toptyń 1979 jylǵy bir múshesi ustaldy.
Qylmystyq toptardyń biriniń belsendi múshesin ustaý operatsııasyn oblystyq UQKB (uıymdasqan qylmysqa qarsy kúres basqarmasy) Almaty oblysyndaǵy Panfılov aýdanynyń ulttyq qaýipsizdik komıtetimen birigip ótkizdi.
Kúdiktini jeke tekserý barysynda odan 9 mm. kalıbrli 7 oǵy bar «Makarov» tapanshasy men 4 oǵy bar «MR-79-9 TM» jáne 2 oǵy bar «Strajnık» travmatıkalyq qarýlary anyqtalyp, alyndy.
Qazirgi ýaqytta qarýdy zańsyz saqtaý faktisimen qylmystyq is qozǵaldy. Ustalǵan azamat Panfılov AІІB-ne qamaýǵa alyndy. Alynǵan qarý arsenaly ballıstıkalyq saraptamaǵa jiberildi.
