Almaty oblysynda karantınnen 15 óńirdiń turǵyndary shyǵaryldy
TALDYQORǴAN. QazAqparat – Almaty oblysyna Birikken Arab Ámirlikterinen ushyp kelgen el óńirleriniń 135 turǵyny karantınnen shyǵaryldy, dep habarlaıdy QazAqparat tilshisi Almaty oblysy ákiminiń baspasóz qyzmetine silteme jasap.
Taldyqorǵan men Tekeli qalalarynda arnaıy oryndarda oqshaýlandyrylǵan 135 adam búgin óz turǵylyqty óńirlerine qaıtaryla bastady.
Elge kelgenge deıin de BAÁ-de birneshe kún karantınde bolǵan bul jolaýshylardyń barlyǵynan kelgen bette tıisti analızder alynyp, qorytyndysy teris nátıje kórsetti.
Endi oblys ákiminiń tapsyrmasyna sáıkes osy azamattardy turǵylyqty jerlerine tegin jetkizip salý jumystary uıymdastyrylýda. Atap ótsek, Taldyqorǵan men Tekeli qalasyna jetkizilgen 135 azamattyń 10-y – Qostanaı, 10 – Pavlodar, 9 – Almaty, 8 – Shyǵys Qazaqstan, 6 – Aqtóbe, 5 – Aqmola, 4 – Jambyl, 2 – Batys Qazaqstan, 2 – Mańǵystaý, 3 – Qyzylorda, 1 – Qaraǵandy, 1 – Túrkistan oblystarynyń, 31-i – Almaty, 27 – Nur-Sultan jáne 16 – Shymkent qalalarynyń turǵyndary.
Tıisti oblystar men qalalardyń jedel shtabtaryna azamattar týraly aldyn ala aqparat berilip, qabyldap alý máselesi kelisildi. Búgin olar arnaıy kóliktermen óz óńirlerine jetkiziledi.
Esterińizge sala keteıik, 11 sáýir kúni 135 adam Shardja-Taldyqorǵan reısimen ushyp keldi.
