Almaty oblysynda karantınge jabylǵan 4 saıajaıdyń aınalasy qazylyp jatyr
TALDYQORǴAN. QazAqparat - Almaty oblysynda karantınge jabylǵan 4 saıajaıdyń aınalasy qazylyp jatyr, dep habarlaıdy QazAqparat tilshisi.
Almaty oblysy ákiminiń baspasóz qyzmetiniń málimetinshe, «Altyn adam», «Kóksaı», «Altyn alma» jáne «Bereke» saıajaılary bir-birine jaqyn ornalasqan. Osy eldi mekenderdiń aınalasy qazylyp jatyr. Bul, kólikter saıajaıdan shyǵyp ketpes úshin arnaıy jasalýda. Jalpy, karantınge jabylǵan aımaqta 9 myńǵa jýyq halyq turady.
«Eńbekshiqazaq aýdanynda jańadan tirkelgen 9 azamat koronavırýsty juqtyrǵan naýqastardyń biriniń jaqyn týystary. Olar der kezinde oqshaýlandyrylǵan bolatyn. Birden 9 adamnyń juqtyrǵanyn eskere kele, Eńbekshiqazaq aýdanynyń bas sanıtarlyq dárigeri osy atalǵan aýdandaǵy 4 saıajaıdy karantıge jabý týraly sheshim qabyldady. Osyǵan sáıkes, kúshtik qurylymdar karantındik tártiptiń qatań saqtalýyn baqylaıtyn bolady. Sonymen qatar, turǵyndardy azyq-túlikpen qamtamasyz etý maqsatynda osy 4 saıajaıdyń tizimi jasalýda», - dedi Almaty oblysy ákiminiń baspasóz hatshysy Ǵalymurat Júkel.
Esterińizge sala keteıik, Almaty oblysynda koronavırýs juqtyrǵandar sany 21-ge jetti.
