Almaty oblysynda karantın tártibin buzýdyń 107 deregi tirkeldi
TALDYQORǴAN. QazAqparat - Almaty oblysyndaǵy karantın talaptaryn buzýǵa beıim 100-den astam tulǵa anyqtaldy,- dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, óńirde QR ÁQbK 476-babynyń talaptary 107 márte buzylǵany belgili boldy.
Tótenshe jaǵdaı tártibin buzýǵa jol bergen 41 tulǵa qamaýǵa alynyp, 46 azamat aıyppul arqalaǵan. Qalǵan quqyq buzýshylar eskertý alýmen shektelgen.
Onyń ishinde eń kóp tirkelgeni – 49 ret karantın aýmaǵyna kirýge nemese tyıym salynǵan aýmaqtan shyǵýǵa áreket etý bolyp otyr. Atalǵan derekter boıynsha QR ÁQbK 476-babyna sáıkes ákimshilik quqyqbuzýshylyq jasaǵany úshin hattama toltyrylǵan. Karantın jáne basqa da mindetti sanıtarııalyq-epıdemıologııalyq is-sharalardy ótkizýge kedergi keltirgeni úshin 33 hattama jazylǵan. Sot sheshimimen 27 tulǵaǵa aıyppul salynyp, eki azamat ákimshilik qamaýǵa alynǵan.
Quqyqbuzýshylyqtardy anyqtaý boıynsha Іle aýdanynyń polıtseıleri 34 derekti áshkerelep, Qarasaı aýdanynda 26 derek jáne Taldyqorǵan qalasynda 14 derek tirkelgeni belgili boldy.
