Almaty oblysynda karantın talaptaryn buzýǵandarǵa 69 mln teńge aıyppul salyndy
Sanıtarlyq-epıdemıologııalyq baqylaý departamentiniń málimetinshe, oblysta jergilikti atqarýshy organdar janynda 268 monıtorıngtik top jumys isteıdi, olar halyqtyń sanıtarlyq-epıdemııaǵa qarsy jáne sanıtarlyq-profılaktıkalyq sharalardy saqtaýyn baqylaıdy.
Jyl basynan beri monıtorıng toby 22 myńnan astam reıd júrgizdi, 127 myń nysan qamtyldy, 1082 karantın rejıminiń buzylý faktisi anyqtaldy.
«590 nysanǵa 69 mıllıonnan astam somaǵa ákimshilik jazalar qoldanyldy, onyń ishinde 149-y jappaı otbasylyq jáne ujymdyq is-sharalardy (toı, uzatý, qudalyq jáne týǵan kúnder) ótkizý boıynsha qoǵamdyq tamaqtaný obektilerine salyndy. Maskalyq rejımdi saqtamaǵany úshin jeke tulǵalarǵa 430 hattama jáne otbasylyq is-sharalardy ótkizgeni úshin 40 hattama toltyryldy», - dep habarlady vedomstvo.
