Almaty oblysynda karantın talaptaryn buzǵandarǵa 3 mln teńge aıyppul salyndy
Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamaǵa sáıkes, qazirgi kezde óńirde 8265 nysan «Ashyq» jobasy arqyly óz qyzmetterin jalǵastyrýda. Atalǵan bastama engizilgennen beri monıtorıng toptarymen 4376 nysan qamtyldy. Sonyń ishinde jumys algorıtmin buzǵan 994 nysan anyqtaldy.
QR-kodty skanerleý kezinde oblys boıynsha «qyzyl» jáne «sary» mártebesi bar 1867 kelýshi anyqtaldy, onyń ishinde «qyzyl» mártebe 1507 kelýshide, «sary» mártebe 621 kelýshide tirkelgen. Eńbekshiqazaq, Alakól, Jambyl, Іle, Kerbulaq aýdandarynda, Qapshaǵaı, Taldyqorǵan jáne Tekeli qalalarynda 2 975 340 teńge somasyna 68 ákimshilik jaza qoldanyldy.
««Ashyq-taǵy» kórsetkishter aımaqta áli de epıdahýaldyń ońalmaǵandyǵyn aıqyndap otyr. Sońǵy táýlikte 279 adamnyń vırýs juqtyrǵany anyqtalyp otyr.
Qazirgi kezde koronavırýstan qorǵaný maqsatynda ekpeniń І komponentimen 690 743 myń adam egildi, vaktsınanyń ekinshi bóligin 574 047 turǵyn qabyldady»,- dep tolyqtyrdy atalǵan vedomstvonyń baspasóz qyzmetinen.
Eske sala keteıik, 2021 jyldyń 14 sáýirinen bastap Almaty oblysynyń aýmaǵynda «Ashyq» pılottyq jobasy iske qosyldy. Bul pandemııa kezinde bıznes sýbektileriniń jumys jasaýyna jeńildik berýde.
