Almaty oblysynda karantın talaptary kúsheıdi
ALMATY OBLYSY. QazAqparat - Almaty oblysynyń bas memlekettik sanıtar dárigeri karantın rejımi men keıbir shekteý sharalaryn kúsheıtý týraly jańa qaýly shyǵardy, dep habarlaıdy QazAqparat tilshisi.
Jańa qaýlyǵa sáıkes, myna nysandardyń qyzmeti toqtaıdy:
-Zaldarda tolymdyq 50 paıyzdan joǵary, sonyń ishinde 50 orynnan joǵary qoǵamdyq tamaqtaný nysandary (meıramhana, kafe, dámhana, banket zaldary, fýdkort, ashana, doner, barlar);
- 25 adamnan joǵary emes kezekshi toptardy qospaǵanda, barlyq menshik nysanyndaǵy mektepke deıingi uıymdar;
- balalardy saýyqtyrý lagerleri;
- balalardyń oıyn-saýyq ortalyqtary;
- oıyn-saýyq nysandary, onyń ishinde túngi klýbtar, kalıan, kórmeler, býkmekerlik keńseler, karaoke, boýlıng-ortalyqtar, loto-klýbtar, PS-klýbtar, kompıýterlik klýbtar, tsırk, bılıard zaldary;
Sonymen qatar 20-24 naýryz aralyǵynda saýda úıleri, saýda jáne oıyn-saýyq ortalyqtary, jabyq azyq-túlik jáne azyq-túlik emes bazarlar, ashyq azyq-túlik emes bazarlar, qoǵamdyq tamaqtaný nysandary (meıramhana, kafe, dámhana, banket zaldary, fýdkort, ashana, doner, barlar), kınoteatrlar men teatrlar qyzmetine tyıym salynady.
Qaýlynyń tolyq mátinin myna siltemeden oqı alasyz.
Qaýly 20 naýryzdan bastap kúshine enedi.
