Almaty oblysynda karantın talaptary kúsheıdi
Oblystyń bas sanıtar dárigeri Qaırat Baımuhambetovtyń qaýlysyna sáıkes, jańa shekteýler kúshine enedi.
Jınalystardy, keńesterdi, konferentsııalardy, forýmdardy, semınarlardy, sezderdi jáne adamdar kóp jınalatyn basqa da is-sharalardy ótkizýge tyıym salynady.
Qoǵamdyq tamaqtandyrý obektileriniń qyzmeti 30-dan astam otyratyn oryn-jaılarda jáne 50-den astam otyratyn jazǵy alańdarda (onlaın-tapsyrys uıymdastyrýdy jáne jetkizýdi qospaǵanda) toqtatyla turady.
Saýda, oıyn-saýyq ortalyqtarynyń, dinı obektilerdiń, bilim berý ortalyqtarynyń, úıirmelerdiń, artklýbtardyń, balalardyń bos ýaqyty men qosymsha oqytý oryndarynyń, balalardyń túzetý kabınetteriniń jáne menshiktiń barlyq nysanyndaǵy mektepke deıingi uıymdardyń qyzmeti toqtatylady.
Statsıonarlyq medıtsınalyq kómek kórsetetin densaýlyq saqtaý obektilerinde josparly emdeýge jatqyzý, sondaı-aq halyqty josparly ımmýndaýdy, júkti áıelderdi qabyldaý men skrınıngti qospaǵanda, josparly medıtsınalyq qyzmetterdi qabyldaý jáne kórsetý toqtatylady.
MSAK dárigerleriniń josparly qabyldaýy jáne ambýlatorııalyq-emhanalyq uıymdar dárigerleriniń josparly konsýltatsııalary qashyqtyqtan qyzmet kórsetý formatyna aýystyrylady.
HQKO, Open Taldyqorǵan servısi, bıznes ortalyqtarynyń (saqtandyrý kompanııalary, esepshi jáne konsaltıng qyzmetteri, jyljymaıtyn múlik agenttigi, jarnama agenttikteri jáne basqa) jumysy onlaın formatqa ótedi.
Onlaın-formatta joq qyzmetterdi aldyn ala jazylyp, elektrondyq kezekpen saǵat 10:00-den 16:00-ge deıin ala alasyz.