Almaty oblysynda karantın talabyn buzǵandarǵa 82 mln teńge aıyppul salyndy
Qazir óńirde indetti juqtyrýshylar sany kúnnen-kúnge azaıyp keledi. Biraq sanıtarlyq talapqa baǵynbaıtyndar áli de bar.
«Koronavırýstyq ınfektsııanyń aldyn alý maqsatynda aýdandar men qalalarda qalalyq polıtsııa basqarmasy men jergilikti ákimdikten Ákimshilik quqyq buzýshylyq kodeksiniń 425-babynyń 1-bólimi boıynsha kúndelikti reıdtik jumystar júrgizý úshin mobıldi top quryldy.
Monıtorıngtik toptyń jumysy barysynda karantındik sharalardy saqtamaǵan jeke jáne laýazymdy tulǵalarǵa 2021 jylǵy 18 mamyrǵa ishki ister organdarynan barlyǵy 1152 materıal kelip tústi. Búgingi kúni QR Ákimshilik quqyq buzýshylyq kodeksiniń 425-baby 1-bólimi boıynsha jalpy somasy 82 003 125 teńgege barlyǵy 1003 hattama jasaldy.Onyń ishinde ІІO materıaldary boıynsha-841, mobıldi toptan-48 materıal kelip tústi»,- delingen Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamada.
Aıta keteıik, Almaty oblysynda qazir 350 nysan «Ashyq» jobasymen jumys isteýge kóshken. 14 sáýirden bastap atalǵan pılottyq joba Taldyqorǵan qalasynda engizildi. 26 sáýirde oblys boıynsha jumys isteı bastady.
«Qazir osy joba boıynsha 350 nysan jumys isteýde. Onyń 254 – i joba qatysýshy bolsa, 96-sy testilik rejımde jumys isteıdi. Qosymsha arqyly Taldyqorǵan qalasynda 29 sary jáne 31 qyzyl, Panfılov aýdanynda 1 qyzyl jáne 1 sary, Eskeldi aýdanynda 1 sary vırýs tasymaldaýshysy anyqtaldy»,- dep tolyqtyrdy atalǵan vedomstvonyń baspasóz qyzmetinen.
