Almaty oblysynda qaraquıryq soıyp jatqan sheteldik ustaldy
TALDYQORǴAN. QazAqparat - Almaty oblysynda qyzyl kitapqa engen qaraquıryqty soıyp jatqan sheteldik azamat ustaldy, dep habarlaıdy QazAqparat tilshisi.
Tekserý barysynda onyń 44 jastaǵy Iordanııa eliniń azamaty ekeni anyqtaldy. Uıǵyr aýdany aýmaǵynda ustalǵan azamat QR QK 339 baby, ıaǵnı quryp ketý qaýpi bar, sırek kezdesetin janýarlardy zańsyz ustaý, saqtaý boıynsha qylmystyq jaýapkershilikke tartylyp otyr. Kúdiktiniń aıtýynsha, eki óli qaraquıryqty 100 AQSh dollaryna Kishi Dıhan aýyly mańynda belgisiz bireýlerden satyp alǵan. Keıin ıordanııalyqty jergilikti ańshylyq sharýashylyq ókilderi qolǵa túsirgen. Qazirgi tańda túz taǵylarynyń ólekseleri arnaıy tekserýge jóneltildi. Tergeý barysynda ustalǵan azamatqa bultartpaý sharasy qoldanyldy.
Anyqtalǵandaı, Almaty qalasynda ýaqytsha turyp jatqan kúdikti Uıǵyr aýdanyndaǵy dosyna qonaqqa barǵan. Almaty oblystyq ІІD málimetinshe, QR QK 339 babynda árbir qyzyl kitapqa engen janýar úshin 3 myń AEK kóleminde aıyppul tóleý nemese sol kólemde eńbekpen túzetý jumystary, sondaı-aq úsh jylǵa deıin bas bostandyǵyn shekteý men 3 jylǵa deıin bas bostandyǵynan aıyrý jazasy qarastyrylǵan.
