Almaty oblysynda qaraquıryq atqan qaraǵandylyqtar ustaldy
TALDYQORǴAN.QazAqparat - Almaty oblysynda zańsyz ań aýlap júrgen 4 azamat ustaldy. Oqıǵa 17 qańtarda tańǵy saǵat 04:30 Jambyl aýdanynyń Jýsandala aýmaǵynda bolǵan, dep habarlaıdy QazAqparat tilshisi.
Atalǵan aımaqtyń ınspektorlary reıdtik is-sharalar júrgizý barysynda 4 azamatty qolǵa túsirgen. Toyota Land Cruiser markaly kóligindegi 1963, 1971, 1975 jáne 1979 jylǵy týǵan azamattar Qaraǵandy oblysynyń turǵyndary ekeni anyqtaldy. Avtokólikti tekserý barysynda 6 dana qaraquıryqtyń óli denesi, basy, 30 dana oqyǵymen 3 myltyq tabyldy.
Erekshe qorǵalatyn aımaqta zańsyz ań aýlaǵan azamattar jalpy 17 mln 316 myń teńgeniń shyǵynyn keltirip otyr. Qazir atalǵan fakti boıynsha QR QK 339-babyna sáıkes is qozǵaldy. Tergeýmen Jambyl aýdanynyń polıtseıleri aınalysýda.
