Almaty oblysynda qaraqshylyq jasaǵan qylmystyq top ustaldy
TALDYQORǴAN. QazAqparat - Almaty oblysynda qylmystyq top ustaldy, onyń quramyna oblys jáne Almaty qalasy boıynsha birneshe qylmys jasady degen kúdikke ilingen 20-27 jas aralyǵyndaǵy tórt adam kirgen, dep habarlaıdy QazAqparat.
Kúdiktilerdi ustaý Іle aýdanynda júrgizilgen, jergilikti turǵyndardyń biri qylmys ornyna tártip saqshylaryn der kezinde shaqyryp, polıtseılerge kómek kórsetken.
«Kúdiktilerdiń biri - Almaty oblysynyń turǵyny, qalǵan úsheýi Almaty qalasynan. Ustalǵandar Taldyqorǵan jáne Almaty qalasynyń aýmaǵynda bir ret qaraqshylyq jasaǵany, jáne birneshe tonaýǵa qatystylyǵy dáleldengen. Іs júzinde barlyq jasalǵan qylmystar avtokólikke qatysty, ıaǵnı qaraqshy top »Mercedes« avtokóligin tartyp alǵan, al qalǵan jaǵdaıda akkýmýlıatorlar men basqa da avtobólshekter urlanǵan», - dep habarlaıdy Almaty oblysy Polıtsııa departamentiniń baspasóz qyzmeti.
Sotqa deıingi tergeý QR QK-niń 192-baby jáne 188-baby boıynsha júrgiziledi. Onyń Іle aýdandyq polıtsııa tergeýshileri júrgizýde. Kúdiktiler qamaýǵa alyndy.
«Qazir urlanǵan múlikti kimge satqany, ıaǵnı satyp alǵan tulǵalar anyqtalýda. Ol alynyp, zattaı aıǵaqtar qylmystyq tergeý materıaldaryna tirkeledi. Polıtsııa qaraqshylyq shabýyl jasaǵan qylmys quraly - pyshaqty da tárkiledi», - delingen oblystyq polıtsııa habarlamasynda.
