Almaty oblysynda Qaradala atty 15-inshi halyqtyq teatr ashyldy

TALDYQORǴAN. QazAqparat - Almaty oblysynyń Uıǵyr aýdanynda qurylǵan «Qaradala» halyqtyq teatry alǵashqy qoıylymyn Taldyqorǵanda kórsetti. Bul óńirde áýesqoı ónerpazdardan turatyn 15-shi halyqtyq teatr, dep habarlaıdy QazAqparat tilshisi.

Bıken Rımova atyndaǵy Taldyqorǵan drama teatrynyń sahnasynda «Qaradala» halyq teatry uly Abaıdyń «Eskendir» qoıylymymen shymyldyǵyn ashty. Oǵan aýdandyq «Jazerke» jáne «Arzý» uıǵyr ansamblderiniń ónerpazdary qatysyp, poemanyń sahnalyq nusqasyn sheber túrde somdap shyqty.

Qoıylym sońynda Almaty oblystyq mádenıet, qujattama jáne arhıvter basqarmasynyń basshysy Marlen Kólbaev qaradalalyqtardy quttyqtady. Al teatr jáne kıno áleminiń aqsaqaly Tuńǵyshbaı Jamanqulov «Qaradala» teatryna aq batasyn arnap, sahnada óner kórsetken bar ónerpazǵa Qazaqstan teatr qaıratkerleri odaǵynyń Alǵys hatyn tabys etti. Bekjan Turys qaradalalyqtar atynan teatrdyń ashylýyna zor úles qosqan Asqar Naımantaevqa tulpar mingizip, Edige Qunypııaǵa shapan japty.

Sońynda sóz alǵan Asqar Ábdiǵalymuly Naımantaev Mádenıet jáne sport mınıstri Aqtoty Raıymqulovanyń Alǵys hatyn ártisterge tabystady.

Eske sala keteıik, buǵan deıin Taldyqorǵan qalasyna qurylǵanyna 60 jyl bolǵan, aýmaly-tókpeli kezeńde jabylyp qalyp, arada 23 jyl ótkende qaıta ashylǵan burynǵy Narynqol, qazirgi «Hanntáńiri» halyq teatrynyń shymyldyǵy ashylǵan bolatyn.