Almaty oblysynda qar jaýyp jatyr
ALMATY. QazAqparat - Almaty oblysynda qar jaýyp jatyr, dep habarlaıdy QazAqparat.
Qar aralas jańbyr qazir Kegen, Narynqol sııaqty taýly aýdandarda baıqalyp otyr.
«Kazgıdromet» RMK Almaty bólimshesiniń ınjener sınoptıgi Ilıeva Arzygúldiń aıtýynsha, qazir atalǵan aýdanda aýa temperatýrasy 1 gradýs jylylyqty kórsetip tur.
«Keshe bul aýdanda tústen keıin jańbyr jaýa bastaǵan. Jańbyrdyń arty qarǵa ulasty. Taýly aımaqtarda 0+5 gradýs shamasynda qar aralas jańbyr jaýýy qalypty jaǵdaı. Erteń munda kún ashylady. Ortasha aýa temperatýrasy jalpy Almaty oblysynda +23 gradýs dep boljap otyrmyz. Al Narynqol, Kegen sııaqty taýly aımaqtarda odan sál tómen bolady», - dedi ınjener sınoptık Ilıeva Arzygúl.
Aıta ketý kerek, keshe áleýmettik jeli qoldanýshylary Shymbulaq, Myńjylqy arasynda qar tústi degen aqparat taratyp, sýretterin jarııalaǵan bolatyn.
