Almaty oblysynda qar jaýady - Kún raıyna boljam

QONAEV.QazAqparat - Almaty oblysynda aýa temperatýrasynyń kúrt tómendeýi kútilýde, - dep habarlaıdy QazAqparat tilshisi.

«2 mamyr kúni Almaty oblysynda qatty jaýyn jaýyp, arty qarǵa ulasýy múmkin. Soltústik-shyǵystan jel soǵady, ekpini sekýndyna 23-28 metrge deıin jetedi dep boljanýda. Sondaı-aq 1-6 gradýsqa deıin sýyq bolady»,- delingen Almaty oblystyq TJD baspasóz qyzmetiniń habarlamasynda.

Jetisý oblysynda da 2 mamyr kúni qatty jel soǵyp, aýa temperatýrasy -2 gradýsqa deıin tómendeıdi dep boljanýda. Al jeldiń ekpini sekýndyna 17-22 metrge deıin jetýi múmkin.

Esterińizge sala keteıik, daýyldy eskertýler men basqa da shuǵyl aqparatty «Dármen» tegin mobıldik qosymshasyn júkteý arqyly alýǵa bolady.