Almaty oblysynda qar qursaýynda qalǵan sábı men onyń anasy qutqaryldy
«4 qarasha kúni túngi saǵat 03:30-da Almaty oblysy Tótenshe jaǵdaılar departamentiniń pýltine Kegen aýdanynyń Tuıyq aýylynda jedel medıtsınalyq járdem avtokóligi qar qursaýynda qalǵany týraly habarlama kelip tústi. Shaqyrtý ornyna dereý Kegen aýylynan Almaty oblysy TJD-ń qyzmetkerleri jiberildi.
Bir jasar bala anasymen birge bolǵan jedel medıtsınalyq járdem avtokóligi qalyń qar qursaýynda qalǵany anyqtaldy. TJD qyzmetkerleri juqpaly aýrýy bar balany jáne onyń anasyn Kegen aýdanynyń aýdandyq aýrýhanasyna evakýatsııalady. Balanyń jaǵdaıy turaqty, qazirgi ýaqytta ol aýrýhanaǵa jatqyzyldy»,- delingen Tótenshe jaǵdaılar departamentiniń baspasóz qyzmeti taratqan habarlamada.
Esterińizge sala keteıik, «Qazgıdromet» RMK-nyń 2021 jylǵy 2 qarashadaǵy aýa raıy boljamy negizinde Almaty oblysynda 3-4 qarasha kúni aýa raıynyń nasharlaýy jáne qar jaýatyny týraly eskertý jarııalandy.
Almaty oblysynyń TJD azamattardy aýa raıynyń ózgerýin baqylaýǵa jáne saqtyq sharalaryn saqtaýǵa shaqyrady. Daýyl týraly eskertýler men ózge de shuǵyl aqparat alý úshin «Darmen» tegin mobıldi qosymshasyn júkteýge bolady.
