Almaty oblysynda qar qursaýynda qalǵan adamdardy qutqarýmen tikushaq aınalysýda - TJM
ASTANA. Naýryzdyń 10-y. QazAqparat - Almaty oblysynyń aýmaǵynda qar qursaýynda qalyp qalyp qoıǵan avtokólikterdi qutqarýǵa tikushaq jóneltildi,
dep habarlady QR Tótenshe jaǵdaılar mınıstrliginen.
Vedomstvonyń málimetine sáıkes ótken seısenbi, naýryzdyń 9-y kúni saǵat 11.05-te Boraldaı áýejaıynan ushyp shyqqan tikushaq «Almaty-Óskemen» avtojolynyń 642-shi shaqyrymynda qar qursaýynda qalyp qoıǵan 2 júk jáne 5 jeńil avtokólikti baıqap, olardyń ishindegi 15 adamdy qaýipsiz jerge jetkizgen. Avtokólikter joldar tazalanǵansha jol boıynda qalyp otyr. Qutqarylǵandardyń arasynda úsik shalǵandar men zardap shekkender joq.
Tikushaq qutqarý jumystaryn áli de jalǵastyra bermek.
