Almaty oblysynda qar qursaýynda qalǵan 121 adam qutqaryldy
TALDYQORǴAN. QazAqparat - Almaty oblysynda qar qursaýynda qalǵan 121 adam qutqaryldy, dep habarlaıdy "QazAqparat" HAA tilshisi.
Tótenshe jaǵdaılar departamentiniń habarlaýynsha, 25 qańtarda keshki 18 saǵat 28 mınýtta, Almaty oblysy TJD-nyń kezekshi bólimine Kerbulaq aýdany Saryózek - Kóktal tas jolynyń Altynemel ótkelinde birneshe jolaýshy avtobýsy qar qursaýynda qalǵany týraly aqparat kelip túsken. Habarlama túsken boıda qar qursaýynda qalǵan jolaýshylardy qutqarý úshin Almaty oblysy TJD Jedel qutqarý jasaǵynyń 5 qutqarýshysy jáne 1 Nefaz avtokóligi shyqty.
«Avarııalyq-qutqarý jumystary nátıjesinde qar qursaýynan 121 adam jáne 10 avtokólik qutqaryldy. Onyń ishinde 2 - jolaýshy avtobýsy, 1 - jolaýshy avtokóligi jáne 7 - jeńil avtokólik bar. Qutqarylǵandardyń arasynda zardap shekkender joq», delingen habarlamada.
