Almaty oblysynda qar qursaýynan eki avtokólik shyǵaryldy
ASTANA. 6 qańtar. QazAqparat - Almaty oblysynda qar qursaýynan eki avtokólik shyǵaryldy, dep habarlady QR Kólik jáne kommýnıkatsııa mınıstrliginiń baspasóz qyzmetinen.
Qolaısyz aýa raıy (qarly boran) men joldyń nashar kórinýi saldarynan Úsharal-Dostyq avtojolynda qozǵalysqa shekteý qoıylǵan bolatyn. Búgin túnde joldy qardan tazalaý jumystary barysynda «Qazaqavtojol» RMK-nyń № 19 jol paıdalaný ýchaskesiniń qyzmetkerleri qar qursaýynan ishinde 5 adam bar 2 avtokólikti shyǵaryp aldy. Avtokólikter qar tazalaý tehnıkasyna erip, Kóktuma aýylyna deıin jetti. Qazirgi kezde bul ýchaskede 3 qar tazalaý tehnıkasy jumys jasaýda.
«Sonymen qatar, 5 qańtardan 6 qańtarǵa qaraǵan túni aýa raıynyń 40-45 gradýs aıazǵa deıin tómendeýine baılanysty Shyǵys Qazaqstan, Pavlodar jáne Qaraǵandy oblystarynda jolaýshy jáne dızeldi avtokólikterdiń júrýine tyıym salynǵan edi. Qazirgi kezde jol ashyldy», - delingen vedomstvo aqparatynda.
