Almaty oblysynda qar qursaýynan 106 adam men 27 avtokólik qutqaryldy
ASTANA. Qańtardyń 30-y. QazAqparat - Almaty oblysynda qutqarýshylar 100-den astam adam men 27 avtokólikti qar qursaýynan qutqardy,
dep habarlady QR TJM.
Vedomstvo baspasóz qyzmetiniń málim etkenindeı, qańtardyń 29-y kúni saǵat 20.17-de Almaty oblysy boıynsha Tótenshe jaǵdaılar departamentiniń kezekshisine «Taldyqorǵan-Qapal» avtojolynda avtokólikterdiń qalyp qoıǵandyǵy týraly habar túsken.
Іzdestirý jumystary barysynda 22 saǵat 03 mınýtta avtojoldyń 6-shy shaqyrymynda jolaýshylary bar 27 avtokólik tabylyp, olar joldyń tazartylǵan bóligine shyǵaryldy.
Іzdestirý-qutqarý jumystaryna «Aq suńqaraı» JShS-nyń eki adamy men eki tehnıkasy, TJM Almaty oblysy boıynsha TJD-nyń jeke quramynyń 13 adamy jáne 3 tehnıkasy jumyldyryldy.
«Qutqarý jumystary kezinde 106 adam qaýipsiz jerge kóshirilip, qar qursaýynan barlyǵy 27 avtokólik shyǵaryldy. Qutqarylǵandardyń arasynda úsik shalǵandar men zardap shekkender joq», - dep anyqtady baspasóz qyzmetinen.
