Almaty oblysynda qar kóshkini júrý qaýpi saqtalady

QONAEV. QazAqparat – Almaty oblysy aýmaǵynda qar kóshkini júrý qaýpi saqtalýda, dep habarlaıdy QazAqparat tilshisi.

Almaty oblysynyń Tótenshe jaǵdaılar departamenti Almaty oblysynyń taýlarynda 26-31 qańtar aralyǵynda kóshkin qaýpi saqtalatynyn eskertti.

«Azamattardan, týrısterden jáne demalýshylardan qar kóshkinin týdyrýy múmkin bolǵandyqtan qarly betkeılerge shyqpaýdy, sondaı-aq taýly jerlerde barlyq qaýipsizdik sharalaryn saqtaýdy suraıdy», - delinedi habarlamada.

Eske salaıyq, Almaty oblysynyń aýmaǵynda Іle-Alataý taýlarynyń ońtústik betkeıinde Eńbekshiqazaq, Talǵar jáne Qarasaı aýdandarynda 48 kóshkin qaýpi bar ýchaske bar. Qar kóshkininiń túsýi negizinen temperatýra fonynyń joǵarylaýy, jańbyr men qar túrinde mol jaýyn-shashynnyń túsýine baılanysty bolady.

Ashyq kózderden alynǵan foto