Almaty oblysynda qar kóshkini júrdi
Baspasóz qyzmetiniń málimetterine qaraǵanda, 2023 jyldyń 9 naýryzy kúni saǵat 10-30-da Almaty oblysynyń Tótenshe jaǵdaılar departamenti Eńbekshiqazaq aýdanynda Esik ózeni basseıniniń shatqaly arqyly ótetin oblystyq mańyzy bar «Esik qalasy - Esik ózeni» avtojolynda taý betkeılerindegi qar jamylǵysynyń turaqsyz bolýyna baılanysty jeti jerde qar kóshkini ózdiginen túsken. Kóshkinniń jalpy kólemi 428,2 tekshe metr.
Qa kóshkini oblystyq mańyzy bar «Esik qalasy - Esik ózeni» avtojolyn jaýyp tastady. Zardap shekkender men qırandylar joq.
Bul avtojoldy tazartý jumystary 2023 jyldyń 10 naýryzynda júrgizile bastaıdy. Kóshkin bolǵan jerge «Qazseldenqorǵaý» MM-niń 3 qyzmetkeri jáne 1 tehnıkasy, TJ departamentiniń 1 qyzmetkeri men 1 tehnıkasy shyqty.
Azamattardyń qaýipsizdigi jáne avtokólik jol qozǵalysyn toqtatpaý maqsatynda Almaty oblysynyń «Jolaýshylar kóligi jáne avtomobıl joldary basqarmasy» MM-niń 2022 jylǵy 7 qarashadaǵy hatyna sáıkes Esik qalasy - Esik ózeni avtojolynyń 7 kılometrinen 15 kılometrine deıingi, sondaı-aq Túrgen-Batan aýyly-Asy observatorııasy avtojolynyń 20 kılometrinen 41 kılometrine deıingi aralyq 2023 jylǵy 31 naýryzǵa deıin jabyq.
Shyǵys Qazaqstan oblysynda bolǵan mol jaýyn-shashyn, jel jáne temperatýralyq fonnyń kóterilýi qar kóshkini qaýpi bar betkeılerden qardyń túsý qaýip-qaterin týǵyzdy. «Qazseldenqorǵaý» ShQ fılıalynyń mamandary kóshkinniń ózdiginen túsýiniń aldyn alý maqsatynda «Óskemen-Altaı» avtojolynyń 61-62 shaqyrymynda qardy profılaktıkalyq túsirýler júrgizdi.
«Avtojolǵa kóshkin túsý qaýpine baılanysty biz 5 ret jalpy kólemi 23700 tekshe metr qar túsirdik. Qar massasy joldy tolyǵymen jaýyp tastady. Qazavtojol qyzmetkerleri avtojoldy tazartýda. Biz óz tarapymyzdan qar kóshkininiń aldyn alý boıynsha jumys júrgizdik, azamattarǵa taýda bolǵan kezde erejelerdi saqtaýǵa keńes beremiz. Kóshkin qaýpi bar oshaqtardan ótip bara jatqanda óte muqııat bolýyńyz kerek, olardyń janynda toqtamańyz. Jaýyn-shashyn kóp jaýǵan kezde qar kóshkininiń túsý qaýpi artady» - dep Qazseldenqorǵaý ShQ fılıalynyń basshysy Omar Dúzgimbaev aıtty.
