Almaty oblysynda qar kóshkini saldarynan 1 adam qaza tapty
ASTANA. Qańtardyń 18-i. QazAqparat - Keshe Almaty oblysynda oryn alǵan qar kóshkininiń astynda 2 azamat qalyp qoıdy.
Bul aqparatty elimizdiń Tótenshe jaǵdaılar mınıstrliginiń baspasóz qyzmeti taratyp otyr.
Vedomstvonyń habarlaýynsha, Talǵar aýdanyna qarasty Іle Alataýynda eki márte qar kóshkini oryn alyp, eki azamat qar astynda qalyp qoıǵan. Júrgizilgen izdeý-qutqarý jumystary barysynda qar astynan 1977 jyly dúnıege kelgen azamat shyǵarylyp, aýrýhanaǵa jetkizilgen. Sonymen qatar 66 jastaǵy azamattyń denesi tabylǵan. Syrǵyp túsken qardyń boljamdy kólemi 5000 tekshe metrdi quraıdy.
Tótenshe jaǵdaıdy joıýǵa Almaty qalasynyń «051» qutqarý qyzmetiniń 5 mamany men 1 tehnıkasy, «ROSA» mekemesiniń 38 mamany men 5 tehnıkasy, «Qazseldenqorǵaý» mekemesiniń 5 mamany jáne QR TJM Talǵar aýdandyq bóliminiń 4 mamany men 1 tehnıkasy jumyldyrylǵan.
